Vegvísir
Hvað er í vinnslu hjá Varhuga og hvað kemur síðar. Listinn er hugsaður fyrir öryggisstjóra og innkaupadeildir sem vilja vita hvert þjónustan stefnir áður en þær binda sig.
Vegvísirinn lýsir ásetningi, ekki samningsbundnu loforði. Engar dagsetningar eru gefnar upp. Þegar atriði fer í loftið færist það á síðuna Breytingasaga.
Í vinnslu og næst á dagskrá
Hnappur til að tilkynna grunsamlegan póst
Starfsfólk getur sent grunsamlegan tölvupóst beint til fyrirtækisins með einum smelli. Fjöldi tilkynninga verður sýnilegur í stjórnborði, því það er hegðunin sem þjálfunin á að skila.
SCIM: stofnun og brottfelling notenda úr Entra ID
Entra ID stofnar starfsfólk í Varhuga um leið og það fær aðgang og lokar á það þegar það hættir, án handavinnu. Í dag bætast SSO-notendur sjálfkrafa við en þá sem hætta þarf að fjarlægja handvirkt.
Síðar
Staðfesting starfsfólks á stefnum
Stefnu, til dæmis stefnu um notkun gervigreindar, má úthluta eins og námskeiði og hver starfsmaður staðfestir að hafa lesið hana. Staðfestingin er skráð með dagsetningu og birtist í endurskoðunarskýrslu.
Veiðipóstsæfingar
Æfingapóstar á íslensku sem mæla hverjir smella og hverjir tilkynna, með kennslusíðu í stað þess að skamma. Fylgir uppfærðum vinnslusamningi og upplýsingum til starfsfólks áður en æfingar hefjast.
Það sem er komið
Allt sem hefur farið í loftið, dagsett, er á síðunni Breytingasaga.
Skoða breytingasöguVantar þig eitthvað sem er ekki hér?
Spurningar um vegvísinn má senda í gegnum síðuna Hafa samband. Svörin eru svör, ekki sölufundir.